تبييض الأسنان: أفضل الطرق الطبيعية والطبية للحصول على إبتسامة مشرقة

كلشي كيبغي تكون عندو إبتسامة مشرقة وأنيقة، ولكن مع مرور الوقت، الأسنان كتفقد اللون ديالها الطبيعي بسبب عوامل خارجية بحال الأكل، الشرب والتدخين. فهاد المقال، غادي نشرحو أبرز الطرق الطبيعية والطبية لتبييض الأسنان في المغرب أوكيفاش تحافظ على بياض الأسنان لمدة طويلة

شناهي أسباب تغير لون الأسنان؟

الأسنان كتقدر تغير لونها الطبيعي لأسباب متعددة، بعضها كيكون طبيعي وبعضها مرتبط بالعادات اليومية ديالنا

الأطعمة والمشروبات

إستهلاك الشاي، القهوة، والمشروبات الغازية بشكل يومي كيتسببوا فتصبغات الأسنان في حالة إلا ماكناش كانغسلو الأسنان ديالنا من بعد إستهلاك هاد المشروبات

التدخين

التبغ كيزيد من إصفرار الأسنان وكيأثر على صحة الفم و الأسنان عامةً

التقدم فالسن

مع الوقت، الطبقة الخارجية للأسنان كتضعاف وكيتبدل اللون ديالها ملي الإنسان كايبدا يكبر

قلة العناية بالأسنان

عدم تنظيف الأسنان بشكل منتظم كيسبب تراكم الجير وتغير اللون الطبيعي ديال أسنانك

شناهي الطرق الطبيعية لتبييض الأسنان؟

الحلول الطبيعية كاتكون فعالة فالحالات البسيطة، وكاتعتامد على مكونات متوفرة فالدار

صودا الخبز

مزج شوية ديال الصودا ديال الخبز مع شوية ديال الماء أونظف بيها أسنان مع إستعمال فرشاة أسنان تكون ناعمة, هاد الطريقة كتعطي نتائج مبهرة

زيت جوز الهند

المضمضة بزيت جوز الهند كاتساعد على إزالة البكتيريا لي كاينة فالفم ديالك أوكاتبيض الأسنان ديالك بشكل ملحوظ

عصير الحامض

تنظيف الأسنان بعصير الحامض بحذر كيساعد على إزالة التصبغات، ولكن خاصك تستعملو مرة فشحال باش ما تأديش المينا ديال الأسنان ديالك

الفحم ( الفاخر )

مسحوق الفحم كيعطي نتيجة مبهرة فتبييض الأسنان ولكن خاصك تستعملو بحذر

شناهي الخيارات الطبية لتبييض الأسنان في المغرب؟

إذا كنت كتعاني من تصبغات قوية فالأسنان ديالك، الحلول الطبية كتكون أكثر فعالية وكاتبقا لمدة أطول

تبييض الأسنان بالليزر

طريقة سريعة وفعالة لتبييض الأسنان، والنتيجة كاتبان مباشرة بعد الجلسة الأولى مع طبيب الأسنان ديالك

قوالب التبييض

كاينين قوالب أسنان كتعمر بجل خاص ديال تبييض الأسنان ويقدر يتستعمل فالدار بإنتظام للحصول على لون أسنان أبيض

لصقات التبييض

كاينين منتجات متوفرة فالصيدليات, هاد المنتجات كاتساعد على إزالة التصبغات السطحية لي كاتكون فوق من السنة

العدسات التجميلية

إلا كان اللون ديال الأسنان كايدير ليك مشكل كبير، العدسات التجميلية كتغطي التصبغات لي كاتكون فالسنة بشكل نهائي

شناهي تكلفة تبييض الأسنان في المغرب؟

التكلفة ديال تبييض الأسنان فالمغرب كتختلف حسب الطريقة المختارة ,طبيب الأسنان و المدينة فين ساكن

الطرق الطبيعية

الحلول الطبيعية ديال تبييض الأسنان كتكون غير مكلفة، غالبا بين 50 و100 درهم

الليزر

تبييض الأسنان بالليزر كيتراوح بين 1500 و3000 درهم

قوالب التبييض

القوالب المستعملة لتبييض الأسنان كتقدر تبدا من 500 حتال 1000 درهم

العدسات التجميلية ديال الأسنان

العدسات كتكون غالية بالمقارنة مع الحلول لي ذكرنا، والتكلفة ديالهم كتبدأ من 4000 درهم للفك الواحد

نصائح باش تحافظ على بياض الأسنان ديالك

باش تحافظ على بياض أسنانك الطبيعي لمدة طويلة، خاصك تتبع هاد النصائح البسيطة

غسل الأسنان يوميا

حاول تستعمل معجون مخصص لتبييض الأسنان وحاول تنظف أسنانك مرتين فالنهار على الأقل ( هاد النصيحة معروفة و لكن قليل لي كايخدم بها أو كايطبقها بشكل يومي )

تجنب المواد لي كادير تصبغات

قلل من شرب القهوة، الشاي والتدخين

المراجعة الدورية للطبيب

زيارة طبيب الأسنان بشكل منتظم غادي تساعدك باش تحافظ على صحة الفم ديالك بشكل عام أو باش تحافظ على لون أسنان أبيض لأطول مدة ممكنة

إستعمال المضمضة

المضمضة بالماء الدافئ و الملح يوميا كايساعد على تنظيف الأسنان وتجنب التصبغات ديال الأسنان

خاتمة

تبييض الأسنان عملية سهلة ولكن خاصها الإهتمام والإستمرارية باش تحافظ على بياض الأسنان لأطول مدة ممكنة. سواء إلا ختاريتي الطرق الطبيعية أولا الطبية، الأهم هو العناية اليومية بالفم والأسنان