علاج حساسية الأسنان: الأسباب، العلاجات، ونصائح فعالة للتخفيف من الألم

حساسية الأسنان من المشاكل الشائعة لي كيعاني منها بزاف ديال المغاربة، وكاتسبب ألم شديد فالفم، خاصة مع الأطعمة أو المشروبات الباردة والسخونة. فهاد المقال، غادي نتعرفو على أسباب حساسية الأسنان، كيفاش نعالجوها، والنصائح باش نتجنبوها

شناهي حساسية الأسنان وكيفاش كتوقع؟

حساسية الأسنان كتوقع ملي كيتضرر مينا السنة، وهدا كيخلي الأطعمة والمشروبات توصل للعصب ( العرق ) ديال السنة وتسبب ألم فالفم ديالك

كيفاش كتبدا حساسية الأسنان؟

تآكل المينا: ملي كيتآكل المينا، كيبان عاج السنة، فهاد الحالة السنة كاتولي حساسة لأي تغييير صغير كايوقع فالفم ديالك

إنحسار اللثة: ملي اللثة كاتبان ليك بدات كاترجع ( كاتبين السنة )، غادي يبدا يبان عاج السنة أو فهاد الحالة السنة غادي تولي معرضة للحساسية

التسوس أو التآكل:التسوس كايخلي السنة تولي ضعيفة أوحساسة

العلامات اللي كاتدل على حساسية الأسنان

ألم مع البارد والسخون: ملي كنحسو بألم ملي كانشربو شي حاجة باردة أولا سخونة

حساسية ديال السكر: إلا سببات ليك الأطعمة الحلوة ألم عرف بلي عندك حساسية الأسنان

حساسية مع الهواء البارد: إلا دخل الهواء البارد للفم ديالك أو حسيتي بألم, عرف بلي عندك أسنان حساسة

شناهي العلاجات المتاحة لحساسية الأسنان؟

كاينين بزاف ديال العلاجات المنزلية و الطبية لي كيساعدو على التخفيف من حساسية الأسنان

معجون الأسنان الخاص بحساسية الأسنان

كاين معجون أسنان خاص بالحساسية لي كيسد المسارات اللي كتوصل للعصب ( عرق السنة ) وكيخفف من الألم

الفلورايد كعلاج لحساسية الأسنان

الطبيب كيدير الفلورايد فوق الأسنان الحساسة باش يقوي المينا ويخفف من الحساسية

العلاجات التجميلية (مثل البونديغ)

البونديغ كيساعد على تغطية العاج المكشوف فالسنة وكيقلل من الحساسية بشكل كبير، خاصة فالأماكن لي فيها إنحسار فاللثة

الجراحة فحالة إنحسار اللثة الحاد

إلا كانت الحساسية بسبب إنحسار اللثة الشديد، الجراحة كاتكون ضرورية باش تغطي جذور السنة

العلاجات المنزلية للتخفيف من حساسية الأسنان

كاينين بعض العلاجات لي ممكن نديروها فالدار باش نخففو من حساسية الأسنان

غسل الفم بالماء والملح

الغرغرة بالماء والملح كاتساعد على تطهير الفم وتخفيف الألم

إستعمال فرشاة ناعمة

فرشاة ناعمة كاتكون ألطف على الأسنان وكتحمي المينا من التآكل

تجنب الأطعمة الحمضية

الأطعمة الحمضية كاتساهم فضعف المينا وكتزيد من الحساسية، حاول تجنبها قدر المستطاع

شناهي الوقاية لي تقدر تديرها باش تحمي أسنانك من الحساسية؟

الوقاية كتكون دائما أحسن من العلاج، ومن الأحسن نتبعو بعض العادات باش نحافظو على أسناننا

إستعمال معجون أسنان فيه فلورايد

الفلورايد كيقوي المينا وكيحمي الأسنان من التآكل والحساسية

تنظيف الأسنان بإنتظام

تنظيف المنتظم للأسنان كيحمي من التسوس وضعف المينا ( هادي نصيحة باينة ولكن قليل لي كايطبقها بشكل يومي )

مراجعة الطبيب بإستمرار

الزيارة المنتظمة للطبيب كاتساعد على إكتشاف المشاكل فالأول ومعالجتها قبل ما تفاقم

شحال تكلفة علاج حساسية الأسنان في المغرب؟

التكلفة ديال علاج حساسية الأسنان كتختلف حسب نوعية العلاج,الطبيب و المدينة فين ساكن

تكلفة العلاجات المنزلية والمستحضرات

المعجون الخاص بالحساسية مثلا كيتراوح ثمنو بين 30 و50 درهم

تكلفة الفلورايد والعلاجات التجميلية

الفلورايد كتوصل التكلفة ديالو فجلسة عند الطبيب بين 200 و400 درهم، والبونديغ كتكون شوية غالية على حسب الحالة

شحال كتكون تكلفة الجراحة فحالة إنحسار اللثة؟

إلى كانت الحالة ديال السنة ديالك صعيبة وكتحتاج لجراحة، الثمن كيختلف حسب العيادة والطبيب وكتقدر توصل لعدة آلاف

خاتمة

حساسية الأسنان مشكلة كاتمرض الإنسان ولكن الحمد لله، كاينين حلول متعددة وفعالة للتخفيف منها. من المعجون الخاص والفلورايد حتال العلاجات التجميلية، وكلهم كيساعدو باش نخففو الألم ونحافظو على صحة الأسنان. إلا كنتي كتعاني من الحساسية، ما تنساش تزور الطبيب باش يساعدك تختار العلاج الأنسب لك