علاج جذور الأسنان (علاج العصب) في المغرب: المراحل، الأسباب، والتكلفة

علاج الجذور أو علاج العصب هو طريقة كنديروها باش نحيدو العصب المصاب أو الملتهب، ونديرو فبلاصتو حشوة باش نحافظو على السنة وما نخسروهاش. فهاد المقال، غادي نتعرفو على المراحل، الأسباب، والتكلفة ديال علاج العصب ( العرق )، بالإضافة للنصائح باش تحمي أسنانك من الإلتهابات

شنو هو علاج الجذور (علاج العصب) وكيفاش كيدار؟

علاج الجذور هو إجراء كيدار باش نحيدو العرق اللي تصاب أولا تلوث، ونعوضوه بحشوة داخلية كتحمي السنة من العدوى والألم

كيفاش كيتم علاج العصب خطوة بخطوة؟

إزالة العصب المصاب: الطبيب كيحيد العصب الملتهب أو المتضرر اللي كيكون داخل قناة السنة

تنظيف القناة: الطبيب غادي ينظف القناة مزيان ويطهرها باش يمنع العدوى و الإلتهابات

ملء القناة: من بعد، الطبيب كيديرحشوة ( عمارة ) فالقناة باش يحمي السنة من التلوث

ختم السنة: الطبيب كيغطي السنة بتاج خاص باش يبقى محمي وما يتعرضش للتلف

شحال المدة اللي كتاخدها عملية علاج الجذور؟

علاج جذور الأسنان كيقدر يكون فجلسة وحدة مع طبيب الأسنان أو أكثر حسب الحالة، وغالبا كياخد ساعة أو ساعتين فالجلسة

علاش كنحتاجو لعلاج جذور الأسنان؟

علاج جذور الأسنان كيتم إلى كان العصب ( العرق ) ديال السنة تضرر بسبب التسوس أو الإلتهابات، وكيساعد باش ما نفقدوش السنة ونحتافظو بيها

شناهي الأسباب اللي كاتخلي العصب يتضرر؟

التسوس العميق: إلا وصل التسوس للعصب ( العرق ) كيكون غالبا هو السبب الرئيسي

إصابة السنة: كسور أو ضربات قوية على السنة تقدر تأثر على العصب

إلتهابات اللثة: إلتهاب فاللثة ممكن يوصل للعصب وتسبب أضرار لعرق السنة

علامات كتدل على أن العصب متضرر أو محتاج للعلاج

ألم حاد فالأسنان: الألم لي ما كيبغيش ينقص مع مرور الوقت ممكن يكون إشارة لعطب فالعصب

حساسية السنة: الحساسية تجاه المأكولات أولا المشروبات الساخنة أوالباردة

إنتفاخ فالفم: إلتهاب اللثة أو إنتفاخ كيكون إشارة على إلتهاب العصب

شناهي الخطوات لي كيتبعها الطبيب بعد علاج الجذور؟

من بعد ما كيتم علاج الجذور، الطبيب كيتأكد من حماية السنة باش تبقى قوية أوما تعرضش للتلف مرة أخرى

التاج (الكراون) فوق من السنة المعالجة

فحالة ما كانت السنة ضعيفة بعد من العلاج، الطبيب يقدر يركب تاج فوق منها باش ماتهرسش

المتابعة بعد العلاج

من بعد علاج العصب، الطبيب كيطلب من المريض يرجع بعد مدة باش يتأكد من نجاح العلاج وما كاينش مشاكل أخرى

نصائح للعناية بالأسنان من بعد علاج الجذور

غسل أسنانك بإنتضام: حك سنانك بشكل منتضم جوج مرات يوميا على الأقل

خيط الأسنان: إستعمل الخيط لتنظيف الفراغات بين أسنانك

بعّد من الأطعمة القاسحة: حاول ما تاكلش الأكل لي قاسح باش تحافظ على السنة المعالجة

بشحال كتقدر تكلفة علاج الجذور في المغرب؟

التكلفة ديال علاج الجذور كتختلف حسب الحالة ونوع الحشوة أو التاج اللي كيستعمل الطبيب

تكلفة العلاج في المغرب

التكلفة فالمغرب كتبدا من 500 درهم أو تقدر توصل حتال 2000 درهم لسنة حسب الطبيب والمدينة

العوامل اللي كتأثر فالتكلفة

نوع التاج: إذا كان السن المعالج كيحتاج تاج، التكلفة كترتفع

الخبرة ديال الطبيب: الأطباء اللي عندهم خبرة كيكونو تكلفتهم شوية غالية ولكن كيضمنو الجودة

شنو غادي يوقع إلا ما درتيش علاج لجذر السنة؟

إلا تجاهلتي علاج العرق، المشاكل اللي كتكون فالسنة ديالك تقدر تولي خطيرة وتسبب مضاعفات أخرى

الإلتهابات والألم المزمن

إلتهاب العصب كيقدر ينتشر فالسنة وكيولي يأثر على اللثة وحتى العظام المحيطة بالسنة

خروج القيح

إلى ما تعالجش الجذر،السنة المصابة غادي تبدا تخرج قيح وكيكون مؤلم بزاف وخطير على الصحة العامة ديال الفم ديالك

فقدان السنة

إلى ما تعالجش العصب فالحين، السنة كتولي ضعيفة وكتزاد الفرصة باش تحيدها بشكل نهائي

خاتمة

علاج الجذور (علاج العصب أو العرق) هو الحل الأمثل لإنقاذ السنة المصابة وتخفيف الألم، وكيمنع مضاعفات خطيرة. إلى حسيتي بشي ألم فالعصب أو لاحظتي حساسية زايدة فالفم أو اللثة ديالك، ما تترددش تزور الطبيب باش تتجنب المشاكل الكبيرة وتبقى محافظ على صحة الأسنان ديالك