مرحبا سي يونس، شكراً على سؤالك و صورة.
من خلال الحالة باين عندك تزاحم فالسنان القدّاميين + ميلان بسيط فالفك العلوي + تراجع فالعظم واللثة خصوصاً فالجوانب + فراغ بين السنين 11 و 21.
باش نكونو واضحين:
الزراعة التقويمية (TADs / Mini-vis) ممكنة، ولكن ماشي هي العلاج الأساسي… هي غير وسيلة كيستعملها الطبيب باش يساعد فـتحريك السنان بطريقة دقيقة.
الخطة العلاجية غالباً غادي تكون هكذا:
الطبيب كيبدا براديو بانوراميك + سكنير للفك باش يشوف مستوى العظم.
من بعد كيدير تنظيف احترافي وعلاج أي التهاب فاللثة.
ثم كيوجّد خطة تقويم لتحريك السنان وتصحيح التزاحم والفراغ.
فبعض الحالات بحالك، الطبيب كيستعمل زراعة تقويمية صغيرة (برغي) فالعظم باش يثبت النقطة لي غادي يشد منها السنان باش يتحركو فالاتجاه الصحيح بلا ما يتأثر باقي الفك.
من بعد ملي كيتصحح الاصطفاف، الطبيب كيراقب التراجع ديال اللثة، وغالباً ما كيتطلب حتى تدخل آخر إلا كان التراجع محدود.

الخلاصة:
نعم، ممكن تستعمل الزراعة التقويمية فحالتك ولكن فقط كأداة مساعدة داخل خطة التقويم، ماشي كحل بوحدو.

سلام عليكم
من خلال الصورة كنلاحظو بلي كاينين فراغات بين الأسنان ،وضوح الأسنان أنها سلييمة و الحمدلله .
بالنسبة إلى كنتي باغا ديري تعديل للابتسامة ف يمكن ليك ديري تقويم باش يتم ملء الفراغات 🦷🦷.
التقويم فيه التقويم المعدني أي (ليباگ) أو التقويم الشفاف لي هوا INVISALIGN 🦷🫡

سلام عليكم
فحالة ظهور حبة بيضاء يعني ان الضرس ملتهب او به قيح.
فهاد الحالة لازم تشوف طبيب او دير راديو 🦷🦷🙏

خويا حسن، تراجع اللثة كيجي غالباً من التهاب لثة ما تعالجش مزيان. الحل كيكون فعّال ولكن خاص يبدا بالعلاج الأساسي:
1️⃣ تنظيف عميق عند الطبيب (détartrage + surfaçage) باش نحيدو الجير لي كيهلك اللثة وكيخليها تهبط.
2️⃣ علاج التهاب باش تهدن اللثة وترجع صحّتها.
3️⃣ إلا كان التراجع كبير بزاف، كاينين عمليات بسيطة باش نغطّيو الجذور (graft gingival) وترجع الابتسامة طبيعية.
4️⃣ فالدار: فرشاة ناعمة + معجون خاص باللثة + المضمضة المطهّرة لمدة محدودة.

النتيجة: المظهر كيتحسّن واللثة كتوقف فين وصلات وما كتزيدش تهبط.
ولكن خاص تشخيص عند طبيب لثة باش يحدد المستوى بالضبط.

مرحبا الأخت مريم، شكراً على تواصلك معنا.
من الأعراض لي ذكرتي — صداع فاللثة، نزيف، تراجع كبير فاللثة، وتخلخل السنان — هادي علامات واضحة ديال التهابات لثوية متقدمة (Periodontite)، وهاد الحالة كتأثر على العظم لي كيشد السنان وكتخليهم يتحركو.
العلاج كيدوز بهاد المراحل:
الطبيب كيبدا بفحص سريري + راديو بانوراميك باش يشوف شحال ضاع من العظم.
من بعد كيدير تنظيف عميق (Détartrage + Surfaçage) لإزالة الجير والبكتيريا من تحت اللثة.
إلا كان الالتهاب قوي بزاف، ممكن الطبيب يزيد علاج بالمضادات أو جلسات ليزر.
فحالات التراجع الكبير، كاين احتمال أنك تحتاجي جراحة لثوية بسيطة باش يرجع شكل اللثة ويتوقف المشكل.
بالنسبة للأسنان اللي فقدتيهم أو غادي تفقديهم بسبب الحركة، الطبيب كيعطيك خيارين:
تركيبات سيراميك فوق الأسنان لي مازال صالحين،
ولا زرع الأسنان (Implants) إلا كان العظم كافٍ.
مرض جذر الأسنان لي سولتي عليه فالغالب كيتسمى التهاب اللثة والعظم، وفعلاً كيْتعالج إلا بدا الطبيب معك في الوقت المناسب!

السلام عليكم، شكراً بزاف على الصورة والتفاصيل.

من خلال المعطيات اللي باينة، الضرس الأمامي ديالك فيه تسوس عميق مع كَسرة كبيرة، واللون الغامق اللي باين كيبيّن أن التسوس وصل للداخل وسبب ضعف فالبنية ديال الضرس.

باش نصلحو هاد المشكلة بشكل صحيح، عندك 3 احتمالات حسب الفحص المباشر:

1️⃣ علاج العصب + بناء الضرس (Composite build-up)
هاد الحل مناسب إلا كان الجدر ديال الضرس مازال مزيان.
➡️ كنديرو علاج العصب، ومن بعد نبنيو الضرس بمواد قوية.

2️⃣ علاج العصب + وتد + تاج (Couronne)
هاد الاختيار كيكون إلا كان الضرس مكسور بزاف وما كايناش بنية كافية.
➡️ كيدير ثبات وقوة طويلة الأمد.

3️⃣ القلع + تعويض (Bridge أو Implant)
نلجؤو ليه فقط إلا كان الضرس متضرر بشكل كبير ومايمكنش إنقاذو

سلام عليكم
بالنسبة للجير ف يمكن ليك دير تنظيف فالعيادة عند الطبيب .
من المسببات ديال انحسار اللثة هو الجير حيت فاش كيقصاح كيدفع اللثة .
تزاحم الأسنان كايجي من ضرس العقل إلى ماخرجوش مقادين كيدفعو الاسنان حتا يلقاو المكان 🦷🙏

سلام عليكم
من المؤثرات على تراجع اللثة هوا الجير لي كايبان ف الصورة (أي كالكير) او عدم تنظيف الأسنان بشكل يومي او حتا الماء الصالح للشرب ديال بعد المناطق .
فهاد الحالة لازم تشوف طبيب

سلام عليكم
بالنسبة للثمن تقويم كيتحدد على حسب تعقيد الحالة او نوع التقويم لي غادي دير كاين تقويم عادي (ليباگ) او INVISALIGN.
تقويم عادي يقدر يبدا من 7000dh
INVISALIGN كتبدا من 10000dh

سلام عليكم
بالنسبة للجير كايطلب تنظيف ف العيادة 🦷
بالنسبة للنزيف ملي غادي دير تنظيف غادي يمشي انشاءلله حيت داك الجير المكان فين كيتجمع هوا ما بين السن و اللثة ، كنصحك دير تنظيف عند طبيب او متكترش ف معجون التبييض باش مايديرش ليك تفاقمات على مستوى اللثة 🦷🦷🙏

سلام عليكم
اول حاجة بغيت نشير ليها هوا صانع الأسنان ماعندوش الحق باش يخدم هاد النوع من الخدمات
تانيا إلى تم ظهور ديك الحبة البيضاء ف كيعني انه كاين التهاب و القيح هادا ناتج عن فشل في قتل العرق و تعويضه .
كنصحك تشوفي طبيب أسنان ماشي صانع أسنان .
بالنسبة للتعويض السن أي fix فراه كاين تلات أنواع :
CCM
CC
ZIRCON

سلام عليكم
بالنسبة لثمن ديال تنظيف الجير كيبدا من 350dh حتال 700dh
الثمن كيتحدد على حسب كمية الجير لي فالأسنان

مرحبا سي خالد، وشكراً على التوضيح والصورة.
بالفعل كيبان عندك تراجع فاللثة ولكن الحالة باينة مستقرة: اللثة لونها مزيان، مافيهاش إلتهاب، وماكاينينش علامات ديال فقدان كبيرة فالعظم.
باش نزيد نوضح ليك:
تراجع اللثة منين كيوقع وكيستقر، ماكيبقاش كيحتاج لتدخل جراحي إلاّ إلا كان: الألم مستمر, حساسية مزعجة بزاف, التراجع كبير وكيعرّي الجذر بزاف أولا إلا كان فقدان فالعظم ديال الفك كيبان فالراديو.
فالحالة ديالك، وبناءً على الصورة والوصف، ما كاين حتى داعي للجراحة ولا لزرع اللثة. العلاج كيركّز غالباً على تنظيف دوري كل 6 شهور, تفريش ناعم بشيتة + معجون للأسنان الحساسة أو جيل ديال المضمضة مضادة للإلتهاب إلا كانت حساسية خفيفة.
لي خسك تعرف أسي خالد هو أن الجراحة كتكون غير فالتراجعات الشديدة أو ملي كيكون فقدان كبير فالعظم، وهذا ما ظاهرش عندك الحمد لله.

السلام عليكم
شكرا على التقة و الصورة.
إذن كايبان بلي عندك شوية تراجع فاللثة و كاين شوية ديال التراسبات هي الي كتخلي اللثة تهبط أو يبداو يبانو الجذور .
هنا كنصحك تدير تنظيف عميق باش نحيدو دوك الترسبات أو الجير
ثاني حاجة هوا قياس الجيوب اللثوية مع صورة راديو باش نتؤكدو ان العظم أي الفك سلييم انشاءلله يكون كواشي مزيان .
فلغالب هاد الحالة كتحسسن غير ب العناية أو طريقة التنظيف ديالك للأسنان ، أو نحكو السنينات غير بشوية مع مراعات ل 45 درجة للفرشات و استعمال فرشات صغيرة للتنظيف بين الأسنان لي هوما brossette interdentaire

وعليكم السلام و رحمة الله تعالى و بركاته سي كريم،
باش نوضح ليك الصورة:
التحفّر فالضرس العلوي كيوقع ملي التسوّس كيقرّب للعصب، وكيولّي الألم باين ملي كتاكل/تشرب شي حاجة باردة أولا سخونة .
أما ضرسة العقل المغروسة تقدر تسبب إلتهاب فالعظم واللثة، تقدر تعطي ألم لي غادي ينتشر فلفك كامل.

الحل من وجهة نظر الطبيب ولكن باختصار:
الطبيب كيبدا بفحص سريري + راديو بانوراميك باش يشوف العمق ديال التسوّس، ومن بعد:

إلا كان الضرس العلوي باقي قابل للعلاج: كيدير علاج العصب وتنقية القنوات ثم العمارة.

إلا كان العصب مات أو الجذر متضرّر بزاف: يمكن يحتاج قلع.
بالنسبة لضرس العقل المغروس: الطبيب كيقيّم الوضع فالراديو، وإلا كان داير ضغط أو إلتهاب، غالباً كيكون الحل قلعو باش يتفادى المشاكل لي جاية.

مرحبا سارة،
من خلال الصورة باين بلي الناب الفوقاني طالع بزاف على السنان الآخرين، وهاد الشي وقع حيث كان عندك ناب مزدوج فصغرك، ومنين تحيّد واحد بقات المسافة ناقصة والناب مالقاش فين تهبط.

بالنسبة للحل، الطبيب غادي يبدا بفحص سريري وراديو بانوراميك باش يشوف المسافة المتوفرة، وضعية الجذور، وحالة اللثة. من بعد كيدير تنظيف شامل ويشوف واش كاين شي تسوّس خاص يتعالج قبل التقويم.
من بعد، كيوجّد خطة تقويمية: كيبدا بتوسيع خفيف للمسافة، ومن بعد كيهبّط الناب تدريجياً حتى يرجع لبلاصتو الطبيعية. مدة العلاج كتكون تقريباً بين 12 حتال 18 شهر حسب الاستجابة.
بالنسبة لثمن كايبدا من 7000 درهم على حسب الطبيب.

مرحبا يوسف,
من خلال الصورة باين بلي عندك إعوجاج واظح فالسنان+ تزاحم ديال الأسنان الفوقانيين, وكاين واحد السن خارج بزاف على الصف الطبيعي ديال الأسنان أوهادشي أثر على اللثة ديالك بشكل واظح.
بالنسبة للعلاج, الطبيب غادي يبدا بفحص سريري و راديو بانورامي باش يشوف حالة الجذور, العظم و اللثة. أو واش كاينين تسوسات أو إلتهابات خاصها علاج. من بعد كايدار تنظيف مزيان للفم و الأسنان أو كانشوفو واش كاينين أسنان لي محتاجين عمارة قبل ماندوزو لتقويم.
من بعد, الطبيب غادي يوجد خطة تقويمية مفصلة: غادي يحدد شحال من مليمتر خاص يتحرك كل سنة أو واش غادي تحتاج لتقويم ثابت ولا شفاف.
بالنسبة لمدة العلاج كاتختالف على حسب شدة تزاحم الأسنان.
منين كايتقادو السنان أو كايرجعو مستقيمين, كتجي مرحلة التثبيت باش السنان مايرجعوش يتزاحمو, و من بعد ممكن نديرو تبييض للأسنان باش نحسنو اللون و الشكل العام ديال الإبتسامة ديالك.

و عليكم السلام و رحمة الله أيوب,
من خلال الصورة, باين بلي عندك إعوجاج واضح فالسنان + تزاحم + سن أمامي مهرس+ تراكم الجير.
بالنسبة للحل ( العلاج ) غادي يكون على هاد الشكل :
الطبيب غادي يبدا بفحص سريري وراديو بانوراميك باش يشوف الحالة ديال الجذور, اللثة و العظم ديال الفك, من بعد الطبيب خاصو ينظف الفم ديالك مزيان باش يحيّد الجير و الإلتهابات أو باش يشوف واش كاينين سنان لي خصهم علاج ( عمارة + علاج العصب ) أو واش كاينين سنان لي خصهم يتحيّدو!
بالنسبة لسنة القدامية لي مهرسة غادي يخصنا نعاودو نقادوها بالكومبوزيت أولا نقادو ليها تاج.
ملي غادي نساليو مع العلاجات المحافظة و الإلتهابية... عاد نقدرو ندوزو لتقويم!
هنا الطبيب غادي يخصو يوجّد ليك خطة تقويمية قبل مايركب التقويم.
ملاحظة مهمة : المتابعة الدورية ضرورية من بعد تركيب التقويم!
من بعدما يستاقرو السنان نقدرو نديرو تجميل نهائي بحال تبييض الأسنان.

سلام سمية,
بالنسبة لتسوس لي عندك غادي يحتاج لتعميرة فأقرب وقت ممكن, و الجير لي عندك فسنان هو لي مسبب الإصفرار و الريحة.
بالنسبة للعلاج المقترح هو غادي تبداي بتنظف الأسنان باش من بعد ديري العمارة لضروس أو ممكن من بعد تفكري ديري تبييض الأسنان إلا بغيتي.