مرحبا أختي نور
من خلال الكلام ديالك باين بلي الضرسة فيها تسوس واصل للعصب، حيتاش كتحسي بألم قوي مع البارد والسخون و الألم كيوصل حتال للراس، وهاد الشي غالباً ما كيتعالجش غير بعمارة بسيطة.
الطبيب غادي يبدا بفحص الضرس وراديو باش يتأكد واش العصب متضرر.
إلا كان التسوس قريب أو واصل للعصب، الحل هو علاج العصب ومن بعد حشوة دائمة أو تاج على حسب الحالة.
إلا كان الضرسة مهرسة بزاف وما بقا فيه مايتصالح، ساعتها كيكون القلع هو الحل الأخير.
بالنسبة للحشوة بـ200 درهم… هاد الثمن كيكون غير لحشوة صغيرة وسطحية، وما كيناسبش الحالة اللي وصفتي. فحالتك غالباً العلاج أغلى شوية حيث كيتطلب علاج عصب.