مرحبا فاطمة,
من خلال كلامك والصورة، باين بلي كاين تسوس خفيف إلى متوسط فالضرس العلوي الأيمن، والألم متوسط… هاد الشي غالباً ما كيطلبش الخلع إلا كان الضرس مازال صالح.
الألم المتوسط كيخلّينا نشكّو أن التسوس ممكن يكون قرّب للعصب ولكن مازال ما واضحش. الحكم النهائي خاصو فحص وراديو.
الطبيب غادي يبدا بفحص سريري وراديو باش يشوف عمق التسوس وحالة الجذور.
– إلا كان التسوس سطحي/متوسط: غادي ينقّي الضرس كامل من التسوس، يعقّم، ومن بعد يدير حشوة تجميلية دائمة.
– إلا كان واصل للعصب: غادي يدير علاج العصب، ومن بعد يسدّ الضرس بحشوة قوية أو تاج حسب كمية السن الباقية.
نصيحتي: ما تخليش الألم يطوّل، حيث التسوس كيتطوّر بسرعة. الكشف المبكر كيخلّيك تحافظي على ضرسك وتتفاداي العلاج الصعيب.