مرحبا أ حنان،
من خلال الوصف والصورة، باين عندك تسوّس داخلي فالناب وهاد الشي علاش ما كتحسيش بالألم دابا، حيث التسوّس باقي ما وصلش للعصب ولكن ظاهر فالشكل ديالو على هيئة بقعة بيضا/نص دائرة.
الطبيب غادي يبدا بفحص سريري + راديو صغير باش يتأكد من عمق التسوّس وقربو من العصب. إلا كان التسوّس سطحي أو متوسط، الحشو بالكومبوزيت (ومنها nano composite) كافي وكيعطي نتيجة مزيانة جمالية ووظيفية.
بالنسبة لثمن كايتراوح تقريباً من 400 حتال 800 درهم لسنة ( الثمن كايختالف على حسب الطبيب و المدينة ).