تجربة زبونة مع علاج جذور الأسنان

اليوم غادي نشوفو تجربة ديال واحد السيدة كان عندها كسر فواحد السن ، كان كايضرها او ماكرهاتش تحيدو اي (الخلع) ، درنا ليها تشخيص او قتارحنا عليها انه ممكن نعتقوه او نحافضو عليه ماكاين لاش اتحييد
تملكها الخوف فلول فاش قلنا لها راه خاص نعالجو العرق و يتم التعويض ديالو بعرق اصطناعي ، فكرات مزيان او طرحات أسئلة و حاولنا نهدؤها و نشرحو ليها بأن الأمر عادي
في الأخير قبلات نشدو ليها موعد مع الطبيب الي غايخدم ليها هاد الحالة

شنو دار الطبيب؟

من بعد ما مشات عند الطبيب او دار راديو او شاف الحالة حتا هوا قال ليها ممكن نعتقوها او نحافضو عليها

درنا راديو او شفنا لعروقة لقينا بلي كاين شويا ديال القيح يعني مايمكنش لطبيب يبدا حتا تأخد السيدة دواء باش يشد فيها البنج و باش طبيب يخدم مرتاح
من بعد ماخدات دواء ديالها او مابقاش القيح الطبيب بدا كيقوم بلعمل ديالو اي حييد دوك لعروقة او نقا السنة مزيان باستعمال هيبوكلوريت الصوديوم لي هيا مادة كيميائية كيعتمدو عليها أطباء الأسنان بزاف فتنظيف قنوات الجذور أثناء علاج الأسنان، هاد المادة معروفة بقدرتها القوية على التعقيم وقتل البكتيريا اللي كاتكون فالقنوات كيعقم القنوات بهاد المادة باش يزيل البكتيريا، الأنسجة الميتة، وبقايا التسوس. كيتصب المحلول مباشرة داخل القناة باستعمال أدوات دقيقة، وكيتأكد الطبيب أنه ما كيتسربش لمناطق أخرى باش ما يسببش تهيج

ف الصورة التانية كانشوفو ان الطبيب قام بتعويض العرق بالنسبة لهاد السن فيه ثلاتة ديال لعروق راه كايبانو ف الصورة و من بعد قام بالنسبة للمدة لي خدا هاد العلاج هيا عشرة ديال الحصص وبتطبيق الحشو الي صراحة كايبان طبيعي

وصف الزبونة لمعاملة الطبيب الأسنان

الزبونة كانت كتأكد بزاف على الاحترافية والمعاملة الزوينة اللي لقاتها عند طبيب الأسنان اللي رشحناه ليها و قالت بلي الطبيب كان كيصبر معايا، كيسمع لي مزيان، وكيشرح لي كل خطوة فالعلاج. حسيت براحة كبيرة وخدمتهم كانت فوق التوقعات