وعليكم السلام و رحمة الله سي ناصر,
من خلال الشرح ديالك, باينة بلي الحشوة ديال الضرسة ماراكباش مزيان أولا يقدر يكون كاين تسوس أو إلتهاب تحت منها.
هاد الألم لي كاتحس بيه ملي كاتاكل أولا ملي كاظغط على الضرسة, كايأكد على أن العصب أولا الحشوة فيهم مشكل.
خاصك دابا أسي ناصر دير راديو ( radio rétroalvéolaire ) باش الطبيب يقدر يشوف بالظبط واش خاص تبدال الحشوة أولا واش خاص علاج العصب.
النصيحة ديالي ليك هي ماتعطلش, حيت إلا بقات الحالة ديالك هكا, مع الوقت الضرسة ديالك غادي تبدا تعطيك صداع بزاف أو تقدر دير ليك إلتهاب.
بالنسبة للأثمنة, تعمار الضرسة كايبدا من 300 حتال 600 درهم على حسب نوع الحشوة, أو إلا بان بلي خاصك علاج للعصب, الثمن بين 600 حتال 1200 درهم على حسب الطبيب.